بين الجنه والعمه ضاع الولد وامه

الولد
يايمه بسج دوم بس لا تلحين

زارت اهلها اليوم شنه الغلط وين
,,,,,,,,,,,,,,,,,,,,,
الام

تردس بنص احشاي وانه الاداريك

لحيمي وتريد اطير مرتك تغر بيك
,,,,,,,,,,,,,,,,,,,,,,,,,,
الولد
كلبي يرف اعليه روحي تريده

ومن ما اشوفه هنا اغدي ثريده
,,,,,,,,,,,,,,,,,,,,,,,,,,
الام
دمي الي يمشي بيك دمي بوريدك

يكفي العمر شوغات جايمته عيدك
,,,,,,,,,,,,,,,,,,,,,,,,,,
الولد
عيدي يهل اهواي يايمه اشوفه

يايمه لا تطرين بسك دعوفه
,,,,,,,,,,,,,,,,,,,,,,,,,
الام
تلبس كيموني انوب توكفلي بالباب

تطلع لوسط الدار لازم بالحجاب
,,,,,,,,,,,,,,,,,,,,,,,,,,,
الولد
مرتي ام جمال الزين صرتي تغارين

من جنتي عاد زمان ديرم تحطين
,,,,,,,,,,,,,,,,,,,,,,,,,,
الام
انشد وكل لابوك ياهو احلى بينه

ايشك العبايه اطير جسم العلينه
,,,,,,,,,,,,,,,,,,,,,,,,,,,,
الولد
هي راحت الدكتور بس شفط الدهون

شوية خشم واشفاف وتوسيع العيون
,,,,,,,,,,,,,,,,,,,,,,,,,,,,,
الام
يمه (وبعد؟) كبروه شوية سليكون؟

تحت الخصرزغروه صارو يكصون
,,,,,,,,,,,,,,,,,,,,,,,,,,,,,,
الولد
يايمه مرتي اتريد تمشي عالموده

جا هي حال الناس مو مرتي سوده
,,,,,,,,,,,,,,,,,,,,,,,,
الام
خل تمشي مثل الناس مرتك اشبيها

شافت بنت وهبي.. اطبق عليها
,,,,,,,,,,,,,,,,,,,,,,,,,,,
الولد
وكت الصبح تدعين بالخير اليه

جانت زمان بسوء مكلوبي هيه
,,,,,,,,,,,,,,,,,,,,,,,,,,
الام
شكد دعيت بسوء ما من يكضك

بلكي ادعي لك بالخير وايطيح حظك

,,,,,,,,,,,,,,,,,,,,,,,,,,,,